Sepp : Leonhard Seppalan biografia

Talvela 1925 Nomen pikku kullankaivajakaupungissa Alaskassa puhkesi kurkkumätä eli difteria. Se oli hengentärkeä saaha sinnet metesiiniä, mutta meritie oli jäässä ja kuljettaminen lentosin aina tyhä eksperimentaalista. Ainua konsti saaha seerumin framilet oli koiraraitostafetti. Ulkona oli hirmupakkanen ja talvitormi riehui, eikä yksikhään olis muuton lähteny ulos koiraraiola, mutta nyt se oli lapsila hengenhätä, ja koko nasuuni heias ajajillet ette nämät kerjettäis moolhiin. Ruutan vaikeiman ja vaaralisiiman osan ajoi Pohjas-Tromssasta lähtenyt Leonhard Seppala, jonka koiraraiossa etumaisena oli aivan eriliikaisen erinomhainen Togo-koira.

Leonhard Seppalan (1877–1967), kierualaisen kväänin, histooria oon yksi kaikkiin dramaattisiimista ja fasineeraaviimista mitä löytyy Norjasta ulos siirtynheitten ihmisten elämästä. Hän oli kullankaivaja, koiraraionajaja, iitrettari ja kansansankari – eriskumhainen elämä eriskumhaisena aikakautena.